مهزلة مصاريف معهد العاشر 2019 الفصل الدراسي الأول

Question

يعني إيه مصاريف تزداد كدا بدون وجه حق، يعني إيه تسببو أزمه في المعاهد الخاصة، كل عام بيتم زيادة مصاريق المعاهد العليا الخاصة والاكاديميات وكذلك في الأكاديمة الحديثة والشروق وغيرهم، ليه بتسببو مشاكل للطلاب اللي بتصرف على نفسها وبتشتغل كل يوم عشان تجيب المصاريف.

Answer 1

الاستهانه بعقليه الطلاب عن طريق سرقتهم علنا في كل سنه دراسية جديده ده يدل على سذاجة و عدم وعي مسؤلين المعهد ..احنا طلاب اهاليهم بيحاولو يوفرولهم تعليم كويس رغم سوء احوالهم المادية و منا الي بيصرف على نفسه بنفسه ،يعني شغل و دراسة، ارحمونا و كفاية سرقة.

Answer 2

١٥٠٠٠ مصاريف أساسية، ٣٢٥ مصاريف إضافية، ٣٠٠ تربيه عسكريه، ٢٠ دعم أنشطه طلابيه، بص هات كل اللي حيلتك عشان انا زهقت.

Answer 3

زودو المصاريف قبل كده وقلنا مش هيزودوها تاني، زودو مصاريف الباصات بطريقه رهيبه وقلنا معلش البنزين غلي،زودو السكن وبلعناها،لكن انهم يفضلو يزودوها كل سنه زياده مش بسيطه لا ويطلعو قرار فجأه بمحاسبه الطالب حسب يونتاته كده كتير واستغلال.

Answer 4

جايين يخطرونا بزيادة المصاريف قبل الدفع بأيام قليله علي اساس ان احنا لاقيين الفلوس.